07
декабрь
2021
"Тәуелсіздік-елімнің ерлік жолы"
№254 негізгі орта мектебінің бастауыш сынып бірлестігінде 6-10 желтоқсан аралығында пән апталығы басталды. Апталық "Тәуелсіздік-елімнің ерлік жолы" тақырыбында Тәуелсіздігіміздің 30 жылдық мерейтойына арналып ұйымдастырылды. Алдымен бірлестік жетекшісі Р Садикбекова оқушыларды келе жатқан мерекемен құттықтап, апта барысында өткізілетін жұмыстармен таныстырып, оқушыларды өткізілетін іс-шараларға белсене қатысуға шақырды. "Тәуелсіздік жетістіктері" тақырыбына таныстырылым ұйымдастыра отырып, оқушылардың білімдері де сарапқа салынды. Р Садикбекова өзі жетекшілік ететін 2 сынып оқушылармен шағын әдеби монтаж ұйымдастырды. Әрқашан көк туымыз ашық аспанымызда желбірей берсін дей отырып, шара соңында оқушылар бірге " Көк тудың желбірегені" әнін әуелете шырқады.