"Жаңғыру ұлттық өнерден басталады" қолөнер көрмесі

№254 негізгі орта мектебінің бастауыш сынып апталығының төртінші күні көркем еңбек пәнінің мұғалімі Х Әлменованың "Жаңғыру ұлттық өнерден басталады" қолөнер көрмесін ұйымдастыруымен басталды. Оқушылар қолөнер көрмесін тамашалай отырып, қызығушылықпен шығармашылықтарын шыңдай түсті. Онан әрі бастауыш сынып мұғалімі Б Ахметованың "Тәуелсіз ел ұланымын" тақырыбында көркем жазу сайысы жалғасты. Сайыс екі кезең бойынша өтіп, оқушылар тәуелсіздік,Отан тақырыптарына мәтінді көркем етіп жазды және берілген суреттерді дұрыс бояу қалыптары бойынша сынға түсті. Оқушыларды сергіту және бір-біріне ынтымақтастығын арттыру мақсатында өзін-өзі тану пәнінің мұғалімі Г Тұрмаханбет "Татулық-достық кілті" тақырыбында тренинг ұйымдастырды. Тренинг барысында оқушылар бірлесіп жұмыс жасау ,бір-біріне қолдау көрсету, бір сөзбен айтқанда достық бар жерде алынбайтын қамал жоқ екендігін түсінді.