Ізденген жетер мұратқа.

Ұстаз-үнемі ізденіс үстінде болатын шығармашыл тұлға. Осы түйнді ойды ұлы педагог К.Д.Ушинскийдің: "Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімділігі де жойылады"- деген даналық сөзі нақтылап тұрғандай. Оқушының дүниетанымын кеңейтіп, оларды шығармашылық бағытта жан-жақты дамыту қажеттілігі заман талабынан туындап отырғаны белгілі. Әрине, бұл ұстаздар қамуымына көп міндеттер жүктейді. Осы орайда №254 негізгі орта мектебіндегі жаратылыстану пән бірлестігінде "Жиынтық бағалау тапсырмаларын құрастырудың тиімді жолдары" тақырыбында практикалық сабақ өткізілді.
Бірлестіктегі мұғалімдер өз пәндері бойынша жасаған жиынтық бағалау тапсырмаларына талдау жасап, өзара пікір алмасты. Математика пәні мұғалімі С.Жүнісов ҰМЖ-да кодпен берілген оқу мақсаты мен жалпы балл өзгермейтінін және тапсырмалар деңгей бойынша жасалатынын атап өтті. Мұғалімдер практикалық сабақ барысында бағалау тапсырмасын құрастырудың мәні мен мазмұнын толықтай түсінді.
Шығыс ойшылы Ж.Баласағұн: "Қанша білсең, ізден тағы, тағы да, білікті адам жетер тілек, бағына"- деп айтқандай, жан-жақты ізденген мұғалім білімді, озық ойлы шәкірттер тәрбиелей алады. Сондықтан ұстаздар біліктілігін үнемі шыңдап, жетілдіре түсуі тиіс.