«АКТ құзіреттілігін арттыру» тақырыбында тәжірибе алмасу

№254 негізгі орта мектебінде информатика пәні мұғалімі А.Атахожаевтың ұйымдастыруымен «АКТ құзіреттілігін арттыру» тақырыбында тәжірибе алмасу жүргізілді.

Мақсаты: Құзіреттілікті дамытудағы АКТ-ның тиімділігін оқыту барысында игеру, пайдалану жолдарын іздеу және тәжірибеде қолдану.

Қазіргі кезде қоғам дамудың жаңа кезеңіне көшті, бұл кезең ақпарақттық кезең, яғни компьютерлік техника мен оған байланысты барлық ақпараттық коммуникациялық технологиялар педагогтар қызметінің барлық салаларына кірігіп, оның табиғи ортасына айналып отыр.

АКТ-педагогтың мүмкіндігін күшейтетін құрал, бірақ ол мұғалімді алмастыра алмайды. Компьютер мүмкіндіктері психология мен дидактика тұрғысынан талданып, керек кезінде педагогикалық талаптарға сай қолданылуы керек.

А.Атахожаев мұғалімдерге АКТ-ның мүмкіндіктері туралы айта келе, Polli guizizz, Google Форм, платформаларында жұмыс жасауды тереңірек түсіндірді. Мұғалімдерге бірден іс-тәжірибе жүзінде көрсетіп, талқылау жүргізді.

Қорытындылай келе, АКТ-ны сабақтарда қолдану білім сапасының артуына оң әсерін тигізеді. Сондықтан мектепте оқытылатын сабақтардың сапасына өзгеріс енгізу –бүгінгі өмір талабы. Бірлесе көтерген жүк жеңіл демекші барлығымыз болашақта өркениетті елдердің жаңа технологиясын меңгеріп, дүниежүзілік білім кеңістігіне шыға берейік, ұстаздар қауымы.